الحكومة ترفع الأسعار بعد الإضراب بيوم واحد.. خخخخخ
الحكومة قررت رفع أسعار الوقود والسجائر وتراخيص السيارات بشكل كبير، وذلك بعد يوم واحد من الإضراب .. ههههههه ..
بالظبط كأن واحد ضربك على قفاك وطلع يجري..
بالظبط كأن واحد ضربك على قفاك وطلع يجري..
الاقتراح اتقدم أمس لمجلس الشعب .. واتوافق عليه في نفس اليوم .. سبحانك يارب
ههههههه
وبهذه المناسبة أحب أهدي إلى الشعب المصري الذكي جداً أغنية .. اسمها (إضراب ولاّ .. )
إضراب أنا وإنتا ولاّ ..
فاكرين الماضي ولاّ..
فاكرين كل اللي بينا .. ولاّ ..
يا حسني .. يا .. !
اتعلموا الدرس بقى!
وبهذه المناسبة أحب أهدي إلى الشعب المصري الذكي جداً أغنية .. اسمها (إضراب ولاّ .. )
إضراب أنا وإنتا ولاّ ..
فاكرين الماضي ولاّ..
فاكرين كل اللي بينا .. ولاّ ..
يا حسني .. يا .. !
اتعلموا الدرس بقى!
ديل الكلب عمره ما يتعدل يا بشر!
المشاركات
11 اللي طرقعولي:
مهو خلاص مخلانش بشر
بصراحة بيفوت كبير جدا اللي اخده اللي راهنوا على الحكومة او التلاتين في المية :D
خخخخخخخخخخخخخخخخخخخخخخ
هى دى ضحكةالحكومة عليننا
بيبقى صوتها عالى ... صح
جزاكم الله خيرااااا
للاسف تعامل الحكومة مع الشعب هو تعامل من نوع فضائي غريب نابع من الكونية اللاعصبية المنبثقة من اللاشعور الوجداني التفككي لأجهزة الدولة .. فقد اصبحت رغبة الشعب في الاستقرار من اكثر الممنوعات لديها.. لدرجة انها اصبحت تطيح بأي شيء يدعوهم لهذا الاستقرار .. فبعد هدوء العافصة بعض الشيء فيما تلى العلاوة واثرها اللي كان ملحوظ ولو بشكل بسيط على يوم الاضراب .. الا انها ابت ذلك وداهمت البسطاء بارتفاع البنزين واللي هيليه ارتفاع أجور المواصلات وارتفاع المواد الزيتية .. الخ .. الخ .. الخ
اكتر حاجة مزعلاني انهم غلوا السجائر يعني الموظف الغلبان اللي كان بييجي على نفسه ويشرب سجاير كولوباترا أم العلبة بخمسة ستة جنيه " ده كان اخر سعر سمعته ليها بصراحة " وقولوا كان بيحرقله علبتين في اليوم ولا حاجة دلوقتي بعد ما يغلوها هي كمان يعني التصرف يكون ازاي ... انا خايفة ساعتها يطلع نوع جديد من الادمان واللي فيه هيلفوا تراب مصر في رغيف عيش .. وساعتها هتندثر تجارة الهيروين لانه مش هيبقا ليه سعر ساعتها .. واسفي على حالك يا مصر
تلقت جريدة المصرى اليوم منذ دقائق نسخة من قرار جمهورى صادر عن رئيس الجمهورية هذا نصه
شعب مصر
لقد قررت ان اتنحى نهائيا عن منصب رئيس الجمهورية واى منصب رسمى أخر وساعود مواطناً مصرياً كأى مواطن عادى اعمل بين صفوف المواطنين واجتهد لرفعة هذا البلد العظيم وذلك لعدم نجاح خطة الإصلاح التى اردتها لهذا الشعب العظيم وعليه ومن تاريخ إعلان هذا القرار سيتولى مباشرة اعمال رئاسة الجمهورية رئيس مجلس الشعب كما ينص الدستور وذلك لفترة انتقالية مدتها ستة أشهر بعدها يفتح باب الترشيح امام الأحزاب والمستقلين لترشيح أنفسهم لمنصب رئيس الجمهورية
وسيتم تحييد الشرطة والجيش وعدم تدخلهما فى اى عمل سياسى بعد الأن أو خدمة أى توجهات سياسية
فعلى شعب مصر أن يحسن اختيار رئيسه القادم من بين هؤلاء المرشحين
وقل اعملوا فسيرى الله عملكم ورسوله والمؤمنين
رئيس الجمهورية
محمد حسنى مبارك
هذا نص القرار
وتعليقى عليه
والله الراجل دا جدع اخيرا عرف ان الله حق
محمد
شكراً لتعليقك
لكن كل واحد مننا هو اللي بيقرر يكون بشر ولا يكون ..
حمار بيتركب!
عياش:
ربنا يشفي الجميع
ويجعله عامر
شيماء سمير:
شكراً لمرورك..
ويارب يكون الشعب اتعلم الدرس
ههههههه
بالفعل .. سيكون الحل الوحيد للإخوة المدمنين وأصحاب الكيف هو لف التراب وشمه
أو يمكن يكون البانجو الآن أرخص من السجاير
طبعا حكومتنا بتحاول (تكيف) الشعب .. وشكراً لمصر !
علم الهسس:
شد اللحاف كويس ..
وخد الدوا يابني
لحسن يجرالك حاجة
هههههه
طيب هو انا كنت بحسب كلام حضرتك حقيقي يا اخ علم الهسس .. مش عارفة ليه .. وكمان قعدت ادور عالنت يمكن الاقي اي حاجة تثبت كده .. الظاهر من كتر البؤس والجفاف اللي عند الشعب المصري بقى ما بصدق يسمع اي حاجة .. يلا خير
مدونتي أوعى تفهمني صح
http://missunderstod-romaisaa.blogspot.com/
بداية جديدة ويارب تكون سعيدة
إرسال تعليق